სერვისი

ტესტ დრაივი

დაგვიკავშირდი

TEL: +995 32 2 292 000

News Landing Image Woven City
მიუხედავად პროექტის მოულოდნელი დასაწყისისა, ერთი წლის შემდეგ, 2021 წლის თებერვალში, Akio-მ და მისმა გუნდმა დაამტკიცა, რომ Woven City- სთან დაკავშირებული ოცნება ახდებოდა. 23 თებერვალს, რომელიც იაპონიაში „Mt. Fuji Day”-ის სახელით არის ცნობილი, საძირკველის აწყობის ცერემონიალმა მიანიშნა მისი მშენებლობის დაწყებაზე. 

ცვლილებების აღსანიშნავად, გამოქვეყნდა Woven City-ის ვიდეო მესიჯი  პარტნიორებისთვის მთელი მსოფლიოს მასშტაბით, რომელიც ეხებოდა კოლაბორაციას მომავლისთვის. 

იგი იწყება Fuji-ის მთის სილამაზით, რომელიც ქალაქის ინსპირაციის წყაროს წარმოადგენს და საუბარია Toyota-ს მიერ ქალაქის შენების მიზნობრიობაზე.

ერთი წლის წინ, Akio Toyoda ლას-ვეგასში, CES-ის სცენაზე იდგა და მსოფლიოს უყვებოდა პროექტის შესახებ, რომელსაც უწოდებდნენ Woven City-ს.

 მათი ოცნება იყო შეექმნათ ადგილი, სადაც ადამიანები ცხოვრობენ, მუშაობენ და თამაშობენ რეალურ სამყაროში არსებულ ლაბორატორიაში. სადაც მკვლევარები, ინჟინრები და მეცნიერები, მთელი მსოფლიოდან იკრიბებიან, რათა გამოსცადონ და განავითარონ ახალი ტექნოლოგიები, როგორიცაა რობოტიკა, ხელოვნური ინტელექტი და სხვ.
 
Akio Toyoda-ამ მადლობა გადაუხადა ყველა პროცესში ჩართულ ადამიანს. განაცხადა, რომ საძირკველის აწყობის ცერემონია იყო ერთწლიანი შრომისა და ძალისხმევის შედეგი, რაც პანდემიამ კიდევ უფრო გაართულა. 

იგი გრძნობდა ვალდებულებას, რომ უნდა გაემართლებინა მოლოდინები და შეენარჩუნებინა Toyota-ს წინსვლა, როგორც თანამემამულეებისთვის ასევე თანამშრომლებისა და მომხმარებლებისთვს მთელი მსოფლიოს მასშტაბით. ის არის ამაყი Toyota-ს განვითარებით და სჯერა, რომ მას კიდევ უფრო მეტის მიღწევა შეუძლია. ამისთვის უნდა გაერთიანდნენ, როგორც გლობალური საზოგადოება და შექმნან ახალი შესაძლებლობები გაზრდის, სწავლისა და საერთო მომავლისთვის. მიუხედავად ამბიციური ოცნებისა, და იმისა, რომ არიან სკეპტიკოსები და მორწმუნეები, Akio Toyoda-ს სჯერა, რომ არიან ადამიანები, ვისაც მართლა სურს შეცვალოს ცხოვრების წესი.

მან განაცხადა, რომ Toyota-ში ითვალისწინებენ გაეროს მდგრადი განვითარების 17 მიზანს და იმედოვნებს, რომ Woven City მისცემს ადამიანებს უნიკალურ შესაძლებლობას შექმნან ტექნოლოგია, რომელიც დაეხმარება ამ მიზნების განხორციელებაში. ასევე აღნიშნა, რომ მასზე დამოკიდებული რომ ყოფილიყო, მეთვრამეტე მიზანად SDG სიაში ბედნიერებას დაამატებდა. იმიტომ, რომ სადაც არ უნდა ვიცხოვროთ, ბედნიერება არის ის, რაც ყველას სურს და რასაც ყველა იმსახურებს. მას სურს, რომ ეს იყოს მიზანი და სახელმძღვანელო შუქი ყველაფრისთვის, რაც შენდება და იქმნება Woven City-ში.
 
80 წლის წინ, მისმა ბაბუამ, Toyota ზუსტად იმავე ამბიციით დააფუძნა. მას სურდა იაპონელი ხალხისთვის მიეცა ის, რაც ჯერ არ არსებობდა- იაპონური ავტომობილი. ისეთი რამ, რაც მათ ცხოვრებას გააუმჯობესებდა და გააბედნიერებდა. სჯეროდა, რომ Toyota-ს უნდა შეეტანა წვლილი საზოგადოებისთვის. მას წარმოადგენა არ ჰქონდა, რამდენად მასშტაბური შესაძლოა ყოფილიყო ეს პასუხისმგებლობა, მაგრამ ახლაც, Woven City-ის DNA სწორედ მისგან მოდის.

Akio Toyoda-მ მადლობა გადაუხადა ყველა Toyota-ს მომხმარებელს და დასაქმებულს მხარდაჭერისთვის. მისი თქმით, სწორედ Woven City-ის მსგავსი პროექტები იყო მადლიერების გამოხატვის შესაძლებლობა. ეს იყო ახალი თავი ისტორიაში, ინდუსტრიასა და მომავალში. 
phone number
Loading...