სერვისი

ტესტ დრაივი

დაგვიკავშირდი

TEL: +995 32 2 292 000

News Landing Image Toyota Yaris-ის გაყიდვებმა 10 მილიონს მიაღწია
მუდმივად პოპულარული და მრავალი ჯილდოს მფლობელის, Toyota Yaris-ის გლობალურმა გაყიდვებმა წარმოების 25-ე წელს 10 მილიონს მიაღწია, რითიც ის შეუერთდა მრავალწლიანი სტაბილური მოდელების: Corolla, Camry, RAV4, Hilux და Land Cruiser რიგებს.

ამჟამინდელი თაობის Yaris-მა დაამტკიცა მისი ადაპტირების უნარიანობა მომხმარებლებთა საჭიროებებიდან გამომდინარე, როდესაც მის ოჯახს 2020 წელს შეემატა ფართოდ აღიარებული GR Yaris, ხოლო 2021 წელს ურბანული კროსოვერი Yaris Cross.

2022 წელს Yaris-ის გაყიდვები ევროპაში 185 781-ს შეადგენდა, რაც მისი მთლიანი გაყიდვების მესამედი იყო. 2023 წლის თებერვლის ბოლოს კი, ევროპაში, Yaris-ის ოჯახის კუმულაციურმა გაყიდვებმა 5 მილიონს გადააჭარბა. 

ევროპაში Yaris-ს Toyota Motor Manufacturing France 2001 წლიდან აწარმოებს, ხოლო Yaris Cross-ს 2021 წლიდან. ამავე წელს Toyota Motor Manufacturing Czech Republic-მა კოლინში მოდელზე მზარდი მოთხოვნის დასაკმაყოფილებლად დაიწყო Yaris-ის წარმოება. ევროპაში Yaris ოჯახის კუმულაციურმა წარმოებამ 2022 წლის ბოლოსთვის 4,6 მილიონს მიაღწია.

1999 წელს Yaris-ის წარმოება იაპონიაში დაიწყო და დღეს უკვე მისი საწარმოო ბაზები 10 ქვეყანაშია: იაპონია, ბრაზილია, ჩინეთი, ტაივანი, ინდონეზია, მალაიზია, პაკისტანი, ტაილანდი, საფრანგეთი და ჩეხეთი. იგი ნამდვილად ტოიოტას გლობალური მოდელია, რომელსაც საწარმოო ადგილები მთელს მსოფლიოში აქვს. 

Yaris არის ტოიოტას პირველი მოდელი, რომელმაც 2000 წელს მოიპოვა წლის სასურველი ავტომობილის აღიარება. ამის შემდეგ, Yaris-ის ყოველი მომდევნო თაობა მოხვდა წლის ავტომობილთა სიაში და 2021 წელს, მეოთხე თაობის Yaris-მა მოიპოვა წლის მეორე ავტომობილის ტიტული.

მისი დებიუტიდან ამჟამინდელი თაობის გამოშვებამდე, Yaris ბაზარზე გვხვდებოდა Toyota Vitz-ის სახელით. 10 მილიონიანი გაყიდვების ეტაპი ითვალისწინებს Yaris, Vitz, Yaris Cross და GR Yaris სახელწოდებებს.
phone number
Loading...