Crown-ის წარმოშობა დაკავშირებულია, ტოიოტას დაარსების ეპოქასთან. Kiichiro Toyoda-მ გადაწყვიტა, მიყოლოდა საავტომობილო ბიზნესში შესვლის გამოწვევას, რომელიც ეფუძნებოდა იაპონელი ხალხის ცხოვრების გამდიდრების ფილოსოფიას, მასებისთვის სამგზავრო მანქანის შექმნის გზით. მისი წარმოება 1952 წლის იანვარში დაიწყო. სწორედ Kiichiro-მ დაარქვა მანქანას "Crown", რომლის მთავარ ინჟინერად დაინიშნა Kenya Nakamura. მან მთელი თავისი ენერგია ჩადო ავტომობილის განვითარებაში. მიუხედავად დიდი წინააღმდეგობისა, იყენებდა უახლეს ტექნოლოგიებს და აკეთებდა ყველაფერს, რაც სწორად მიაჩნდა. 

1957 წელს Crown-მა პირველად მიიღო მონაწილეობა ავსტრალიურ, საერთაშორისო რალიში. 

1967 წელს Kameo Uchiyamada-მ აღმოაჩინა, რომ ღია ფერები მეტ ყურადღებას იქცევდა და გადაწყვიტა Crown ხელმისაწვომი ყოფილიყო თეთრ ფერში. White Crown მომდევნო ორი ათწელულის განმავლობაში დიდი პოპულარობისთ სარგებლობდა იაპონიაში

მიუხედავად ახალი იმიჯისა, მეოთხე თაობის ავტომობილის გაყიდვები არ იყო წარმატებული, რაც უმეტესწილად ხარისხმა განაპირობა. იგი  აღმოჩნდა გაკვეთილი იმისა, რომ Crown უპირველესად უნდა აკმაყოფილებდეს მომხმარებლის საჭიროებებს. ამ მომენტიდან მოყოლებული ინჟინრები ცდილობდნენ ინოვაციების და მომხმარებლის მოლოდინების დაბალანსებას. წარმოების ამ მიდგომამ შედეგი მეშვიდე და მერვე თაობაში გამოიღო.
 
 1980-იან წლებში Crown უდაოდ იყო წარმატებული, თუმცა მეცხრე თაობა მძიმე პერიოდს უკავშირდება. თავიდან დაწყების მიზნით, Toyota-მ Crown-ის პოზიციონირება შეცვალა.
 
 1989 წელს Toyota-მ იაპონიაში Lexus LS წარადგინა, როგორც Toyota Celsior. ეს ცვლილება იყო მთავარი შემობრუნება Crown-ის ისტორიაში. 

1991 წელს რეცესიის შედეგად შემცირდა მოთხოვნა ძვირადღირებულ ავტომობილებზე. გაყიდვების მოცულობის კლებამ გამოიწვია ეჭვი, რომ შესაძლოა მოდელის დასასრული დამდგარიყო. კრიზისის ახალმა გრძნობამ განაპირობა მე-12-ე თაობის მოდელის განვითარება.

Mitsuhisa Kato-მ, რომელიც იმ დროისთვის ხელმძღვანელობდა Crown-ის განვითარებას, განაცხადა, რომ არ სურდა crown-ის არსებობა მისი ხელმძღვანელობის პერიოდში დასრულებულიყო. მან ხელახლა, ნულიდან განავითარა ძრავა, რომ მიეღწია მსოფლიო დონის მართვის ეფექტურობისთვის. მიუხედავად 2008 წლის გლობალური კრიზისისგან გამოწვეული სირთულეებისა, მაინც გრძენდებოდა Crown-ის ტრანსფორმაცია.
 
 Mitsuhisa Kato გუნდის წახალისებას ცდილობდა ისეთი ახალი დიზაინის შექმნისკენ მოწოდებით, რომელიც ადამიანებს ერთი შეხედვით იზიდავს,  ავტომობილის სტილის ცვლილებით, მანქანის პლატფორმის განახლებითა და მართვის სისტემის გაუმჯობესებით შეიქმნა მე-14-ე და მე-15-ე თაობის Crown.

მე-16-ე თაობის Crown-ის შექმნის საფუძველი Akio Toyoda-ს მიერ ნათქვამი სიტყვები გახდა, თავი დაენებებინათ მე-15-ე თაობის რედიზაინისთვის. Akio Toyoda-ს სურდა დაბრუნებოდნენ Crown-ის საწყისს და ეს გამოეყენებინათ ახალი სედანის შესაქმნელად. შედეგად მიიღეს ოთხი განსხვავებული მოდელი.

ქროსოვერი, რომელიც არის სედანისა და SUV-ის შერწყმის შედეგი. ახალ ჰიბრიდულ სისტემაზე დაფუძნებული ძრავის მართვა, მას ყველასგან განსხვავებულ სედანად აქცევს.

კრეატიული სპორტული ავტომობილი, რომელიც არის ადვილად სამართავი და გთავაზობთ მოქნილი მართვის გამოცდილებას.

სედანი, რომელიც შეიქმნა ხარისხისა და კომფორტის, ასევე ფორმალურობის გამოხატვის მიზნით. 

მეოთხე Crown, როგორც უაღრესად ფუნქციონალური SUV, რომელშიც უკანა სავარძლები იკეცება და ქმნის სრულიად ბრტყელ სატვირთო ზონას, რაც მას აქცევს wagon-ისა და SUV-ის შუალედურ ავტომობილად.
 
ერთდროულად ამ ოთხი მოდელის შექმნა სირთულეებთან იყო დაკავშირებული და  წარმოუდგენელი იქნებოდა Toyota-ს შიდა კომპანიისა და Toyota New Global Architecture-ის (TNGA) გარეშე. TNGA-ზე დაფუძნებულ პლატფორმებს აქვთ გაუმჯობესებული სტილი და მართვისა ხარისხი.
 
 Crown -ის ავტომობილების წლიური გაყიდვების მოლოდინი 200,000 ერთეულს აღწევს. ის წარმოდგენილი იქნება, არა მხოლოდ იაპონიაში, არამედ გლობალურად.