,,ტოიოტა ცენტრი თეგეტამ’’ ხატვის ადგილობრივი კონკურსის გამარჯვებულები დააჯილდოვა. „დახატე შენი ოცნების ავტომობილი“ - ამ დევიზით კონკურსში მონაწილება მთელი საქართველოდან 350-მდე 16 წლამდე ასაკის ბავშვმა მიიღო. მათ შორის, სამ ასაკობრივ კატეგორიაში 9 საუკეთესო გამოვლინდა, რომელთა ნამუშევრებს ახლა უკვე საერთაშორისო კონკურსზე, იაპონიაში შეაფასებენ.

7 წლამდე ასაკობრივი კატეგორიიდან გამარჯვებულები არიან: ლაზარე მირესაშვილი, გაბრიელ დიდებაშვილი და ლაზარე დიაკონიძე. 8-11 წლის ასაკობრივი კატეგორიიდან - ანანო მაისურაძე, ანასტასია გვილია და დანიელ ბრეგვაძე. ხოლო, 12-15 წლის ასაკობრივი კატეგორიიდან - თამარ სულაქველიძე, თამარ მირიანაშვილი და ნიკოლოზ ნიკოლაიშვილი.

დაჯილდოების ცერემონიის ფარგლებში, ,,ტოიოტა ცენტრი თეგეტას’’ შოურუმში ნახატების გამოფენა მოეწყო, მონაწილეების გართობაზე კი თითების თეატრმა იზრუნა. გამარჯვებულებს მათი ინტერესების შესაბამისი საჩუქრები და სიმბოლური ჯილდოები გადაეცათ. 

,,ტოიოტა ცენტრი თეგეტა’’ მადლობას უხდის თითოეულ კონკურსანტს მონაწილეობისთვის.