Mirai იყენებს Toyota Teammate-ის უსაფრთხოებისა და მძღოლის დამხმარე უახლეს ფუნქციებს, რათა უზრუნველყოს ავარიის რისკის დროული გამოვლენა, თავიდან აცილება და მძღოლზე დაკისრებული ტვირთის შემცირება. რაც შეეხება ავტომობილის Toyota Safety Sense სისტემებს, განახლებული კამერა და რადარის აპარატურა ავარიის რისკის გამოვლენას უფრო მაღალ დონეზე აყენებს. 

2024 წლის Mirai იყენებს Toyota-ს დახვეწილ Smart Connect+ მულტიმედია პაკეტს, რომელზე წვდომაც შესაძლებელია ახალი 12.3 დიუმიანი სენსორული ეკრანის საშუალებით. სენსორული ეკრანის ალტერნატივად, მძღოლს და წინა მგზავრს შეუძლიათ გამოიყენონ ხმოვანი ბრძანებები და ბორტ ასისტენტი "Hey Toyota". ახალი სისტემა ცნობს საუბრის სტილს და მისი გამოყენება შესაძლებელია აუდიოს გამორთვის გარეშე. აუდიო პაკეტი კი მოიცავს 14 დინამიკიან JBL პრემიუმ ხმის სისტემას.

2024 წლის მეორე ნახევარში Mirai-სთვის ხელმისაწვდომი იქნება ციფრული გასაღები, რომლის გამოყენებასაც შეძლებს მაქსიმუმ 5 ადამიანი. ეს არის სრულიად მოსახერხებელი გადაწყვეტა: მომხმარებელს სჭირდება მხოლოდ სმარტფონი იმისთვის, რომ გასაღებმა იმუშაოს.