ავტომაგისტრალზე, ქალაქსა თუ ავტოსადგომზე, T-Mate გარანტიას იძლევა, რომ ყოველთვის უსაფრთხოდ იქნებით. ეს სისტემები გიცავთ არა მხოლოდ თქვენ და თქვენს მგზავრებს, არამედ საგზაო მოძრაობის სხვა მონაწილეებსაც. 

შეჯახების პრევენციის სისტემა დაგეხმარებათ თავიდან აიცილოთ სხვა ავტომობილებთან შეჯახება. იგი მძღოლს აფრთხილებს ხმოვანი და ვიზუალური სიგნალების მეშვეობით და ეხმარება დამუხრუჭებისას. თუ მძღოლი დროულად დამუხრუჭებას ვერ ასწრებს, მუხრუჭები ავტომატურად მოქმედებს, რათა აღკვეთოს ან შეამსუბუქოს შეჯახება.

ეს სისტემა ინარჩუნებს წინასწარ მითითებულ, მინიმალურ დისტანციას თქვენსა და წინ მიმავალ ავტომობილს შორის. თუ აღნიშნული დისტანცია მცირდება, სისტემა ამცირებს ავტომობილის სიჩქარეს და მოქმედებაში მოჰყავს მუხრუჭები, ასევე სამუხრუჭო მაშუქები.

სრულდიაპაზონიან ადაპტაციურ კრუიზ-კონტროლის სისტემას შეუძლია ავტომობილი სრულად გააჩეროს, თუ წინ მიმავალი ავტომობილი გაჩერდება. აქსელერატორზე ან ადაპტაციური კრუიზ-კონტროლის ბერკეტზე მცირე შეხება სისტემას კვლავ ჩართავს.
 თუ ავტომობილი აღჭურვილია საგზაო ნიშნების ამომცნობი სისტემით (RSA), ეს სისტემა ასევე ამოიცნობს სიჩქარის შეზღუდვას თქვენს მარშრუტზე და შესაბამის კორექტირებასაც შემოგთავაზებთ.

ზოლში მოძრაობის დამხმარე სისტემა შექმნილია ავტომაგისტრალებზე მოძრაობის უსაფრთხოების დონის გასაზრდელად. იგი გეხმარებათ იმოძრაოთ ზოლში და თუ ზოლს გასცდებით, საჭის მართვის დამხმარე სისტემა რბილად დაგაბრუნებთ უკან.

ავტომატური შორი განათების სისტემა აკონტროლებს გზას, რათა დააფიქსიროს საპირისპიროდ მომავალი ავტომობილის მაშუქები. თუ მაშუქებს აღმოაჩენს, შორი განათება ავტომატურად ირთვება ახლო განათების რეჟიმზე. ავტომობილის ჩავლის შემდეგ, სისტემა ისევ შორ განათებაზე გადაერთვება. შედეგად, ღამით მოძრაობა ყველასთვის უსაფრთხო ხდება.

თუ სისტემა დააფიქსირებს, რომ გარკვეული დროის განმავლობაში, მძღოლი არ რეაგირებს, ამის შესახებ მას ხმოვანი სიგნალებით ეცნობება. უმოქმედობის შემთხვევაში, EDSS სისტემა თანდათანობით გააჩერებს ავტომობილს და ამავდროულად იზრუნებს ზოლში უსაფრთხოდ მოძრაობაზე. საგზაო მოძრაობის სხვა მონაწილეების გაფრთხილების მიზნით, ირთვება ავარიული მაშუქები და იხსნება კარების საკეტები, რათა საჭიროების შემთხვევაში დახმარების აღმოჩენა გამარტივდეს.

ეს სისტემა აკონტროლებს აჩქარებას, საჭის მართვას, დამუხრუჭებას და სიჩქარეების გადართვას, რათა პარკირება უსაფრთხოდ განხორციელდეს. მას შეუძლია დაიმახსოვროს თქვენი რჩეული საპარკინგე სივრცე, რომელიც არ არის გამოყოფილი ზოლებით ან მომიჯნავე ობიექტებით.

ამ სისტემის მეშვეობით პარკირება უფრო მარტივი და უსაფრთხოა. იგი აერთიანებს ოთხი კამერიდან მიღებულ გამოსახულებას, რათა ირგვლივ 360 გრადუსიანი ხედვის არე გქონდეთ.

როდესაც პარკირების ადგილიდან უკანა სვლით გამოდიხართ, ეს სისტემა ამოიცნობს ნებისმიერ ავტომობილს, რომელიც მარცხნიდან ან მარჯვნიდან მოგიახლოვდებათ, გაგაფრთხილებთ აღნიშნულის შესახებ და შეჯახების თავიდან ასაცილებლად დამუხრუჭებასაც მოახდენს.

ეს ჭკვიანი სისტემა აფრთხილებს მძღოლს ავტომობილის წინ ან უკან არსებული დაბრკოლებების შესახებ და შეჯახების თავიდან ასაცილებლად ახდენს ავტომატურ დამუხრუჭებას.

ეს სისტემა იყენებს ბრმა ზონების კონტროლის რადარს, რათა თავიდან იქნეს აცილებული უკნიდან მომავალი ავტომობილის ან ველოსიპედის შეჯახება, როდესაც მგზავრი კარს აღებს. შეჯახების რისკის წარმოქმნისას, გარე სარკეებსა და მულტიინფორმაციულ ეკრანზე აინთება ინდიკატორები, ასევე, მგზავრების გასაფრთხილებლად ჩაირთვება ხმოვანი სიგნალი.

ბრმა ზონის მონიტორინგის სისტემა აფრთხილებს მძღოლს ნებისმიერი ავტომობილის შესახებ, რომელიც შეიძლება გვერდით სარკეებში არ ჩანდეს. იგი განსაკუთრებით გამოსადეგია გასწრებისას.

ეს სისტემა შექმნილია იმისათვის, რომ საგზაო მოძრაობის ყველა მონაწილეს ღამით საუკეთესო ხილვადობა შეუქმნას. იგი მაშუქების სინათლეს განაწილების ოპტიმიზებას ახდენს ავტომატურად, შემხვედრი მოძრაობის ზონის დაჩრდილვით, რათა შორმა განათებამ სხვა მძღოლებს თვალი არ მოსჭრას, ამავდროულად საკმარისი განათებაც იყოს შენარჩუნებული.