ავტოინდუსტრიის ელექტრო ბატარეებზე გადასვლა იმაზე მეტს ნიშნავს, ვიდრე უბრალოდ ავტომობილების წარმოებაა. მრავალი მსოფლიო ავტომწარმოებლისთვის, EV-ებზე გადასვლა უფრო ფართო სტრატეგიის ნაწილია, რომლის მიზანია შემცირდეს ყველანაირი ნახშირბადის გამონაბოლქვი და მათ შორის წარმოების დროს წარმოქმნილიც. Toyota-ს თქმით, ნახშირბადის ნეიტრალიტეტი მიღწეული იქნება 2040 წლისთვის და ამ კონკრეტულის შესასრულებლად მრავალმხრივი მიდგომას გამოიყენებს.

ავტომწარმოებლის თქმით, 2023 წლისთვის ევროპასა და დიდ ბრიტანეთში ავტომობილებისგან CO2-ს გამოყოფა 100%-ით უნდა იყოს შემცირებული, ხოლო მომდევნო 10-15 წლის განმავლობაში კი Toyota გამოიყენებს სრულად ელექტრო და Plug In ჰიბრიდებს ემისიების შესამცირებლად. 

Toyota-მ აღიარა, რომ ამ მიზნის მიღწევის პროცესში მრავალი გამოწვევის წინაშე მოუწევს დადგომა, რადგან ისეთი ასპექტები, როგორიცაა ლოჯისტიკა და ნაწილების მიწოდება, მის კონტროლს მიღმაა. სწორედ ამიტომ ავტომწარმოებელმა განაცხადა, რომ მაქსიმალურად ეცდება თავისი მომწოდებლები და პარტნიორებიც ჩართოს აღნიშნულ პროცესში. 

Toyota ასევე გეგმავს, რომ ათწლეულის ბოლომდე თავისი ევროპული წარმოების ყველა ობიექტი ნახშირბად-ნეიტრალური გახადოს. დიდ ბრიტანეთში, Deeside-ის ქარხანაში, უკვე მიმდინარეობს ნარჩენების 90%-ის გადამუშავება, რომლის მეშვეობითაც მწვანე ენერგია მიიღება. აქედან გამომდინარე, 2025 წელს აღნიშნული დაწესებულება შესაძლოა გახდეს სრულად ნახშირბად-ნეიტრალური. 

იაპონური ავტომწარმოებელი ასევე აგრძელებს წყალბადის ინვესტიციას. კომპანიამ დღეს წარმოადგინა Corolla Cross H2 Concept, რომელიც აღჭურვილია შიდა წვის ძრავით, რომელიც წვავს წყალბადს ბენზინის ან დიზელის ნაცვლად. დამუშავების პროცესშია Hilux-ის პიკაპიც. გარდა ამისა, შედგა C-HR Prologue-ის კონცეფციის დებიუტი, რომელიც გამოხატავს მომავალი თაობის მოდელის მკვეთრ სტილს. 

Toyota-ს მცდელობა, მიაღწიოს ნახშირბადის ნეიტრალიტეტს, მომდევნო ათწლეულების განმავლობაში კიდევ მრავალ ფორმას მიიღებს.