ის, რაც აღნიშნულ მუზეუმს უნიკალურად აქცევს არის ავტომობილების მრავალფეროვნება, რადგან მოიცავს ყველა მოდელს, მწარმოებლის მიუხედავად, დაწყებული მსოფლიოში პირველი ბენზინზე მომუშავე ავტომობილიდან თანამედროვე ელექტრომობილამდე. არანაკლებ მომხიბვლელია მათთან დაკავშირებული 4000 კულტურული ნივთი, მათ შორის მინიატურული ავტომობილები, სამკერდე ნიშნები, პლაკატები და სხვა, რომლებიც დაკავშირებულია როგორც შიდა, ასევე საერთაშორისო ავტომობილებთან. ასევე არის სპეციალური საგამოფენო ოთახი, რომელშიც სხვადასხვა ექსპონატებია წარმოდგენილი.

საავტომობილო ეპოქის დასაწყისიდან 1950-იან წლებამდე წარმოებული ავტომობილები გამოფენილია მეორე სართულზე, ხოლო 1950-იანი წლებიდან დღემდე წარმოებულები მესამე სართულს იკავებენ. შენობა ოვალური ფორმისაა, როგორც სარბოლო წრე. მნახველები დასეირნობენ უამრავი საინტერესო და ლამაზი ავტომობილით გარშემორტყმულ სივრცეში.

მუზეუმი დამთვარიელებლებს სთავაზობს უფასო აუდიო გიდის აპლიკაციას, რომელსაც ოთხი ენის მხარდაჭერა აქვს და უზრუნველყოფს უფასო ტურებს ინგლისურ ენაზე. ფოტო გადაღება ნებადართულია მუზეუმის ტერიტორიაზე, რათა ადამიანებმა უნიკალური მოდელების აღბეჭდვა შეძლონ.  

მსოფლიოს სხვადასხვა ქვეყნებიდან ჩასულ თითოეულ დამთვალიერებელს მუზეუმი აღფრთოვანებულს ტოვებს, რადგან ის მხოლოდ ავტომობილთა მოყვარულთათვის არ არის განკუთვნილი, ტერიტორიაზე არსებული ფართო ასორტიმენტიდან გამომდინარე, არჩევანი ყველასთვის არის. ვიზიტორები ხშირად აღნიშნავენ, რომ იაპონიაში მოგზაურობა მხოლოდ ამ შესანიშნავი მუზეუმისთვის ღირს.