1966 წლიდან დღემდე Toyota Corolla-ს 12 თაობა გამოვიდა ამ პერიოდში მისმა გაყიდვებმა რეკორდულ ნიშნულს მიაღწია და ჯამში 50 მილიონზე მეტი ეგზემპლარი გაიყიდა. სწორედ ესაა მიზეზი იმისა, რომ იაპონელი ინჟინრები განსაკუთრებულად ზრუნავენ ამ მოდელის მუდმივ განახლებასა და გაუმჯობესებაზე.
2023 წლის Corolla-ს მოდელში მთავარი ცვლილებები ავტომობილის ტექნიკურ ნაწილში განხორციელდა, ამიტომ მისი ექსტერიერი შესამჩნევლად არ შეცვლილა. მნიშვნელოვნად შეიცვალა ძრავა და ელექტროობა, რაც უზრუნველყოფს ავტომობილის მეტ სიმძლავრეს, ეფექტურობასა და უკეთეს მართვადობას.
Corolla იქნება პირველი ტოიოტა, რომელიც მეხუთე თაობის ჰიბრიდული სისტემით, სრულად განახლებული ციფრული და მულტიმედია ტექნოლოგიებითა და Toyota T-Mate-ის ინოვაციური უსაფრთხოების სისტემით წარდგება მომხმარებლის წინაშე.
