Toyota City არის ინდუსტრიული ქალაქი, ცენტრალურ იაპონიაში, რომელიც 1959 წლამდე Koromo-ს სახელით იყო ცნობილი. ქალაქისთვის სახელის გადარქმევა, მისი მთავარი დამსაქმებლის, Toyota Motor Corporation-ის მნიშვნელობის ხაზგასმას ემსახურებოდა.

"მოდით ვიყოთ მომავლის იდეალური ქალაქი" - ამ სლოგანით Toyota City უამრავ შორსმჭვრეტელ პროექტზე მუშაობს, რომელიც გულისხმობს საუკუნოვანი ტყეების მოვლას, ენერგიის გადამუშავებას, ეკომეგობრეული ჭკვიანი სახლების აშენებას და სხვ. ქალაქი ასევე არ უშინდება სატრანსპორტო, სატყეო-სამეურნეო, მრეწველობით თუ ხალხის ყოველდღიურობაში არსებულ გამოწვევებს. გარემოსდაცვით აქტივობებში კი მონაწილეობას როგორც მოქალაქეები, ასევე კომპანიები, საგანმანათლებლო და კვლევითი ინსტიტუტები და მათი ადმინისტრაციული თანამშრომლები იღებენ. 

1930-იან წლებში, როდესაც საავტომობილო ინდუსტრია ჯერ კიდევ ახლადშექმნილი ბიზნესი იყო, რეგიონში დაიწყო იაპონური ავტომობილების მასობრივი წარმოება. დღემდე კი ამ ინდუსტრიამ საკმაოდ დიდი ცვლილება განიცადა. Toyota City ყოველთვის მიიწევდა იმისკენ, რაც სხვებს შეუძლებლად ეჩვენებოდათ და სწორედ ამიტომაა, რომ Toyota, როგორც მწარმოებელი დღემდე იკავებს ლიდერულ პოზიციებს იაპონიასა და დანარჩენ მსოფლიოში.