Toyota-ს ცნობადობასა და მიმზიდველობას მალევე დაემატა  ახალი საინტერესო მიმართულება, რომელიც ევროპულ გუნდთან ერთად საერთაშორისო რალიში ჩართვას გულისხმობდა. შვედმა მრბოლელმა, ოვე ანდერსონმა, ლონდონში გამართულ შეხვედრაზე დაარწმუნა Toyota-ს გუნდი, რომ ნება მიეცათ მისთვის Toyota Celica-თი ეასპარეზა 1972 წლის RAC Rally-ზე დიდ ბრიტანეთში. ტოიოტას წარმატებამ ხელი შეუწყო აღნიშნული პროგრამის გაგრძელებასა და 1973 წელს შვედეთში Andersson Motorsport-ის დაარსებას.

ტოიოტამ Corolla-სა და Celica-ს მოდელები, იაპონიის დამატებითი მხარდაჭერით, შეჯიბრისთვის მოამზადა. 1974 წელს, ნავთობის კრიზისის გამო, მოტოსპორტის პროგრამის ნაადრევად შეჩერების საფრთხე დადგა, რის გამოც კიდევ უფრო მეტი ძალისხმევა გახდა საჭირო გუნდისთვის საჭირო ნაწილები და აღჭურვილობის მისაწოდებლად. საბოლოოდ, პროექტისადმი გუნდის რწმენამ მალევე გამოიღო შედეგი. ფინელმა მძღოლმა ჰანუ მიკოლამ, რომელიც Corolla 1600-ს მართავდა ‘’1,000 Lakes Rally in Finland’’-ზე 1975 წელს გუნდს პირველი გამარჯვება მოუტანა. იმავე წელს გუნდმა Toyota Team Europe-ის სახელიც მოიპოვა.

წლების განმავლობაში მწარმოებლისა და მრბოლებების დახმარებით ჩემპიონატის ტიტულის მოპოვება ისეთი ლეგენდარული მანქანებით ხდებოდა, როგორიცაა Celica TA63 Twincam Turbo, მეტსახელად "აფრიკის მეფე".

1979 წელს Toyota-ს საპატივცემულოდ კიოლნში ერთერთ ქუჩას Toyota Allée-ს სახელი მიენიჭა. Toyota-ს მოტოსპორტის გუნდების თავდადებამ შედეგი გამოიღო და ახდა ყველას ოცნება - "სამმაგი გვირგვინის" მოპოვება. 2022 წლის დაკარის რალის გამარჯვების შემდეგ, Toyota ერთდროულად ატარებს WRC და WEC გამარჯვებულის ტიტულებს.