Toyota Land Cruiser 170 ქვეყანაშია ხელმისაწვდომი და 2019 წელს 10 მილიონზე მეტი ერთეული გაიყიდა. მისი წარმოება დაიწყო 1951 წელს, რომლის მიზანი იყო იაპონიის პოლიციის ეროვნული რეზერვისთვის მაღალი გამავლობის ავტომობილის შექმნა. მას შემდეგ ის თოთხმეტ მოდელად და ასობით სხვადასხვა ვარიანტად ჩამოყალიბდა. ის არის ყველაზე ძველი SUV მოდელი წარმოებაში, მისი გამძლეობისა და საიმედოობის გამო, ყველანაირ რელიეფსა თუ ამინდში.

Land Cruiser-ის პირველმა პროტოტიპმა მიიღო მეტსახელი "Toyota BJ" და "Toyota Jeep", მისი B ტიპის ძრავების გამო. 1950 წელს, როდესაც კორეის ომი დაიწყო, შეერთებულ შტატებს სჭირდებოდა სამხედრო მაღალი გამავლობის ავტომობილები და მოკავშირე ძალებმა ტოიოტას დაავალეს მათი შექმნა.

1954 წელს, როდესაც Willy's Motor Company-მ წარმოადგინა სასაქონლო ნიშნის დარღვევის პრეტენზია სახელთან დაკავშირებით "ჯიპი" - იაპონელებმა თავიანთ ჯიპებს "Land Cruiser" უწოდეს.

1955-1960 წლებში Land Cruiser-ი ხელმისაწვდომი გახდა ფართო საზოგადოებისთვის. მომდევნო წლებში ტოიოტამ განაგრძო მნიშვნელოვანი ცვლილებების შეტანა Land Cruiser-ის მოდელში და წარმოადგინა სხვადასხვა ვარიანტები - დანარჩენი კი, როგორც ამბობენ, ისტორიაა.

მისი სიმტკიცის გამო, გაერთიანებული ერების ორგანიზაცია, იყენებს Land Cruiser-ს ჰუმანიტარული დახმარებისთვის მსოფლიოს სხვადასხვა კუთხეში. გაერთიანებული ერების ორგანიზაციის მრავალი ქვედანაყოფი, როგორიცაა WHO, იყენებს Land Cruiser-ს შორეულ რაიონებში მისასვლელად და გაჭირვებულთა დასახმარებლად.

ავსტრალიის ახალი მანქანების შეფასების პროგრამამ (ANCAP) Land Cruiser-ს მძიმე გამოცდა მოუწყო, რომელიც მან იდეალურად ჩააბარა. მანქანას ჰქონდა ბავშვების უსაფრთხოების 88% და ზრდასრულთა უსაფრთხოების 89%. შეგვიძლია ვთქვათ, რომ Land Cruiser არის საიმედო მანქანა მგზავრების უსაფრთხოების კუთხით, შესაბამისად იდეალურია ხანგრძლივი მოგზაურობებისთვისაც.