კონკურსი „დახატე შენი ოცნების ავტომობილი“ წელსაც დიდი ინტერესით გაიმართა. მასში მონაწილეობა საქართველოს სხვადასხვა რეგიონიდან 16 წლამდე ასაკის ბავშვებმა მიიღეს. მონაწილეები სამ ასაკობრივ კატეგორიაში გადანაწილდნენ, საიდანაც ჟიურიმ 9 საუკეთესო ნამუშევრები შეარჩია. ნამუშევრებს ახლა უკვე საერთაშორისო კონკურსზე, იაპონიაში შეაფასებენ.
7 წლამდე ასაკობრივი კატეგორიიდან გამარჯვებულები არიან:
1. მიხეილ ხაჩასტურიანი
2. ელისაბედ სულამანიძე
3. მარიამ ამონაშვილი
8-11 წლამდე ასაკობრივი კატეგორიიდან გამარჯვებულები არიან:
1. ლუკა შარვაძე
2. ბარბარე სულამანიძე
3. კესარია მურმანიშვილი
12-15 წლამდე ასაკობრივი კატეგორიიდან გამარჯვებულები არიან:
1. მარიამ სოფრომაძე
2. ლილე ირემაშვილი
3. ნინო მარიამიძე
დაჯილდოვების ცერემონია „ტოიოტა ცენტრი თეგეტას“ შოურუმში გაიმართა, სადაც გამარჯვებულებს ჯილდოები და მათი ინტერესების შესაბამისი საჩუქრები გადაეცათ.
ღონისძიების ერთ-ერთი მთავარი სიურპრიზი იყო მხატვარ ზალიკო სულაკაურის მასტერკლასი. შეხვედრის ფარგლებში ბავშვებმა ხატვის ახალი ტექნიკები და საინტერესო ხრიკები ისწავლეს, რაც მათთვის განსაკუთრებული და შთამაგონებელი გამოცდილება აღმოჩნდა.
„ტოიოტა ცენტრი თეგეტა“ მადლობას უხდის თითოეულ კონკურსანტს მონაწილეობისთვის და მომავალშიც წარმატებებს უსურვებს.
